Sumir halda haus.

Bjorn-IngiUndanfarna sólarhringa hefur þjóðin orðið vitni að því hvernig sumir mætustu menn Framsóknarflokksins hafa farið á taugum og ausið sér yfir Sjálfstæðismenn að ósekju.

Mér dettur ekki í hug að elta ólar við þetta taugaveiklunarhjal og veit það með vissu að þegar öldurnar lægja sem VG hefur tekist með læsvísum hætti að ýfa upp á tilfinningalegum óglgusjó góðra drengja af báðum kynjum innan flokksins þá átta þeir sig á stöðunni og snúa sér að því sem máli skiptir; byggja flokkinn sinn upp að nýju og skapa sér endurnýjaða áhrifastöðu í íslensku þjóðfélagi.

Mig langar að benda á farsælan foringja Framsóknar sem vissulega mun koma að þessu verki. Hann hefur haldið ró sinni og ekki látið teyma sig út í fen gífuryrða og beyskju heldur hefur hann litið yfir sviðið og metið stöðuna  raunsætt og af sanngirni.

Hér er ég að tala um bloggvin minn Björn Inga Hrafnsson sem að mínu mati er framtíðar leiðtogi Framsóknarmanna. Þeim Framsóknarmönnum sem svíður hvað sárast um þessar mundir vil ég ráðleggja að lesa það sem Björn Ingi hefur skrifað á bloggsíðu, mér finnst hann tala um hlutina af skynsemi og raunsæi. Kæmi mér ekki á óvart þó hann ætti eftir að taka víð stjórnartaumunum í Framsóknarflokknum innan tíðar. Það held ég að væri vel ráðið.

Framsóknarmönnum væri hollt að muna hið fornkveðna að "ekki tryggist tófa þó tekin sé af henni rófa" og fagurgali VG ætti að skoðast í ljósi þess hvernig þeir hömuðust fyrir og fyrst eftir kosningar.


Svo mæla börnin sem á bæjum er títt.

Ágúst_ÓlafurÍ fyrradag var ég eitthvað að undra mig á hrópandi fjarveru varaformanns Samfylkingarinnar í stjórnarmyndunarviðræðum flokkanna. Reyndar hafa svo sem fleiri en ég rekið augun í þetta gat í forystusveitinni á mikilvægum tímum en nú hefur varaformaðurinn sjálfur stigið fram fyrir skjöldu og útlistað hvernig á þessu stendur á heimasíðu sinni.

Í ljósi þessara skrifa hans og með tilliti til væntanlegs stjórnarsamstarfs við þetta góða fólk allt saman ætla ég að hætta að nefna þetta; taka það gott og gilt sem Ágúst Ólafur segir þarna og láta kyrrt liggja. Auðvitað er það ekki mitt mál hvernig væntanlegur samstarfsflokkur raðar sínu fólki til verka.


Steingrímur staðfasti enn og aftur.

steingrimur_jÁgæti lesandi. Í bloggi hér á undan var ég eitthvað að fárast yfir vingulshætti VG varðandi Framsóknarflokkinn. Vitnaði þar í ummæli frá 18. maí og síðan frá 15. maí þar sem verulega annað var uppi á teningnum.

Samkvæmt því hefði mátt ætla að Steingrímur hefði þurft um það bil 3 sólarhringa til að venda 180 gráður á kúrsinum en þarna varð mér á í messunni því við nánari eftirgrennslan áttaði ég mig á því að áður nefndur Steingrímur er umtalsvert sneggri í snúningum en svo.

Hann virðist sérlega áhugsamur um að nota Blaðið til að viðra hringlandaháttinn í sér því þegar grannt er skoðað má finna þar eftirfarandi ummæli Steingríms staðfasta: (Blaðið, 17. maí, bls. 2)

Það liggur fyrir að við vorum höfuðandstæðingar stóriðjustefnu hans (Framsóknarflokksins) og þjóðin talaði skýrt. Hún afþakkaði Framsókn en kaus okkur. Samt sitja menn uppi með þennan Framsóknarflokk og það er náttúrulega ekki beinlínis lýðræðislega lógískur né spennandi valkostur.

Jæja, hvernig ber nú að lesa þennan texta? Eins og ég les hann þá er það skilningur Steingríms að þjóðin hafi hafnað Framsókn og öllum þeirra áherslum, í það minnsta þar sem þá greinir á við VG og hvers vegna skyldi það þá vera hlutverk VG, sigurvegara kosninganna, að leiða þetta taplið til áframhaldandi valda?

Ég viðurkenni að ég er hvorki eins greindur né prýðilega sköllóttur og formaður VG en þetta er það sem ég les úr þessum texta, daginn áður en Steingrími snérist svona gjörsamlega hugur.


VG samkvæmir sjálfum sér?

ORGEitt af því sem haft hefur verið upp til afbötunar VG er að þeir séu þó alltént samkvæmir sjálfum sér og það sé nú ekki vandamálið að vita hvar menn hafi þetta línulið sem sé sannarlega kostur. Menn þurfi með öðrum orðum ekki að velkjast í vafa að það sé alltaf sama tuggan sem frá þeim kemur.

Eins og ég hef bent á hér að framan hafa Vinstri-Grænir alveg einstakar áhyggjur af því um þessar mundir hvað Framsókn hafi, af hendi Sjálfstæðismanna, mætt eindreginni 111. meðferð á skepnum sem, eins og allri vita, ber vott um grimmt og guðlaust hjarta.

Svo makkar forsetinn ekki rétt heldur enda virðist sú illa Inga Bogga Solla hafa gert Geir út með skýlausa yfirlýsingu um að hún vildi ekki verða forsætisráðherra; að svo stöddu að minnsta kosti og þar með svipt forseta tækifæri á því að bjóða öllum formönnum flokkana í kaffi á Bessastöðum sem auðvitað hefði opnað augu hans (þ.e. forsetans) fyrir því að eðlilegast hefði verið að fá Ingu Boggu Sollu umboðið til að mynda vinstri stjórn með VG og Framsókn þar sem hún yrði forsætisráðherra. Allt annað væri brot á hefðum og móðgun við lýðræðið.

Liggur í augum uppi ekki satt? Þetta var í gær, 18. maí.

Í viðtali í Blaðinu hinn 15. maí, bls. 10, lét Steingrímur staðfasti eftirfarandi ummæli falla:

„Það er búið að hafna öðrum stjórnarflokknum rækilega. Á virkilega að bjóða fólki upp á það að Jón Sigurðsson og Jónína Bjartmarz verði áfram ráðherrar? Annað féll út af þingi og hitt náði ekki inn á þing. Er það lýðræðislegt?“

Ekki veit ég hvað maður á að segja um þetta í ljósi málflutningsins í gær en ég veit alveg hvað Ragnar Reykás mundi hafa sagt.

Nú geri ég mér ekki alveg fulla grein fyrir hvort Steingrímur Jóhann er að tala um sama Framsóknarflokkinn báða þessa daga en mér vitandi er bara til einn. Hvernig ætlar hann að tækla þetta netta vandamál, svona frá lýðræðslegu sjónarhorni? Vill hann endilega nota þessa fallkandidata til að byggja ríkisstjórnarsamstarf á? Eða var meiningin að halda formanni Framsóknarflokksins utan stjórnar?

Ma, ma, ma bara áttar sig ekki á þessu eins og Raggi Reykás hefði orðað það; það er greinilega engu að treysta lengur í þessum heimi.


Og óskirnar rætast.

Skil ekki alveg hvað VG er að kvarta; þeir fengu það sem þeir vildu. Fyrir framan mig á borðinu liggur barmmerki sem ungir VG útbjuggu. Þar stendur skýrum stöfum: "Af hverju ekki ríkisstjórn með ZERO Framsókn?". Óskin rættist og til hamingju með það VG.

En það er eins og blessaður Hallgrímur sagði einhverntíma; menn vita sjaldan nákvæmlega hvers ber að byðja því það getur nefnilega farið svo að þeir verði bænheyrðir.


Innileg samkennd í væntanlegri stjórnarandstöðu.

Kolbrun_HalldorsdottirÉg er ekki viss hvort maður eigi að hlæja eða gráta yfir ástandinu hjá Framsókn ogSiv_Friðleifs VG nú þegar stjórnarmyndunarviðræðurnar milli Sjálfstæðisflokksins og Samfylkingarinnar eru komnar af stað.

Framsóknarmenn keppast um hver þeirra geti verið í meiri fýlu yfir nýloknu stjórnarsamstarfi sem þeir, vel að merkja, slitu sjálfir. Þeir keppast hver um annan þverann að ausa drullunni yfir Sjálfstæðismenn sem hafa þó ekkert til saka unnið undanfarin ár, annað en halda nösunum á Framsókn uppúr skítnum sem auðvitað var ekki hægt lengur þar sem flokkurinn stefndi stöðugt og ákveðið til upprunans. Sjálfstæðismenn urðu því að sleppa takinu. 

Meira að segja rólyndur heiðursmaður eins og Jón Sigurðsson er útbólginn af illsku og heilagri vandlætingu og gengur nú fram fyrir skjöldu VG, sár og ákaflega móður og býður Ingibjörgu Sólrúnu forsætisráðherraembættið í ríkisstjórninni sem VG er nú albúnir til að mynda með þeim.

Allt í einu er VG orðið svo umhugað um velferð Framsóknar að þeir nánast tárfella yfir því hvað Sjálfstæðismenn hafi farið illa með blessað litla lambið enda ekki sjón að sjá það svona hálfnakið og fylgisrúið í vorkuldanum.

En þrátt fyrir þetta hnakkrifust Kolbrún Halldórsdóttir og Sif Friðleifsdóttir í Ísland í dag áðan svo maður gat alveg eins búist við að þær tækju saman. Þar var til bróðurlegrar umræðu kostaboð Steingríms J. til Jóns Sig. um að nú væri alveg kjörið tækifæri fyrir hann í viðurvist alþjóðar í beinni útsendingu að biðja Steingrím formlega fyrirgefningar á ógætilegu tali og teikningum um hina ósnertanlegu persónu formanns VG en honum þótti einhverjir brókarlallar hjá ungum Framsóknarmönnum fjalla helstil alvörulítið um hana.

Hef ekki séð svona tilþrif eins og hjá þeim stöllum síðan Kristján stórtenór Jóhannsson löðrungaði sjónvarpsmanninn hérna um árið.

Ættli þessi mannskapur telji svona háttalag til þess fallið að laða ISG til samstarfs? Það er ljóst að þessi 20 manna stjórnarandstaða mun verða margklofin fram eftir kjörtímabili.


Hvar er varaformaður Samfylkingarinnar?

Ágúst_Ó_ÁgústssonVar að hlusta með öðru eyranu á fréttir á RUV. Þar var verið að spjalla við Ingibjörgu Sólrúnu Gísladóttur um stjórnarmyndunarviðræðurnar og slíkt. Ekkert þar sem vakti sérstaka athygli en þegar Broddi fréttamaður lauk við fréttina sagði hann að á þessum fundi í ráðherrabústaðnum sætu auk formanna flokkanna, Þorgerður Katrín varaformaður Sjalla og Össur Skarphéðinsson frá Samfylkingunni!

Er það misminni hjá mér eða var ekki kosinn varaformaður í Samfylkingunni á sínum tíma þegar búið var að henda Össa fyrir borð sem formanni? Heitir þessi ágæti maður ekki Ágúst Ólafur Ágústsson og var í öðru sæti á lista Samfylkingarinnar í Reykjavík suður? Af hverju er þessi maður ekki að mynda ríkisstjórn með formanninum?

Þetta bara hvörflaði að mér.

P.S. Núna í kvöld, 18. maí,  kom það fram að eftirlýstur varaformaður Samfylkingarinnar hefur víst fengið að koma nálægt stjórnarmyndunarviðræðunum; hann er bara ekki hafður uppi við. Þetta sagði hann sjálfur í spjalli í Ísland í dag. Málið er semsagt upplýst. Það var hinsvegar dáliítið sem ég hjó efitr í máli hans við þetta tækifæri og það var að Rannveig Guðmundsdóttir væri einn af innstu koppum í búri í viðræðuteyminu. Er hún ekki hætt á Alþingi? Ég held í það minnsta að hún hafi misst umboðið sem þingmaður á kjördag.


Það læra börnin í Palestínu sem fyrir þeim er haft

hamas_mus_me_limÍ aðdraganda kosninga kom upp sú hugmynd hjá örvæntingarfullum Framsóknarmönnum í takt við málflutning stjórnarandstöðunnar að Íslendingar ættu hið snarasta að feta í fótspor Norðmanna og taka upp stjórnmálasamband við heimastjórn Palestínu og sína með því sjálfstæði í utanríkismálum.

Rökin eru meðal annars þau að Hamas hafi komist til valda með lýðræðislegum hætti og allt sé nú gott og blessað. Reyndar má skilja málflutning þeirra sem mest lofa Hamassamtökin að þetta séu hálfgerðir dýrðlingar sem fórni sér fyrir almúgan og sérstaklega fyrir börnin, framtíð Palestínu. Þeir reki skóla þar sem björnin njóti menntunnar og uppeldis sem annars sé ekki í boði.

Á ferð minni um undraheima bloggsins rakst ég inn á blogg Vilhjálms Arnar Vilhjálmssonar þar sem mynd á nýjustu færslunni vakti athygli mína. Ég fór að fletta lengra og þá fékk ég nánast áfall því bak við þessa fyrirsögn Mikka Mús hefur verið rænt í Gaza leyndist þetta.

mina_musÉg vil biðja lesandan að keyra þessa klippu og lesa vandlega textann. Þarna kemur ljóslega fram hvað það er sem hinir friðelskandi menningar- og mannúðarpostular Hamas vilja koma á framfæri við börnin. Er það þetta sem hið ágæta fólk í stjórn félagsskaparins Ísland-Palestína vill styðja? Innræting á hatri og manndrápum frá unga aldri. Með þessu efni er Hamas að sá til uppskeru morða og ofbeldis um komandi framtíð.

Hér fyrir neðan er skrá yfir þá sem sytja í stjórn félagsins Ísland-Palestína ásamt netföngum þeirra. Er ekki full ástæða til að láta þetta fólk svara fyrir stuðning sinn við svona háttalag?

Í Aðalstjórn

  • Sveinn Rúnar Hauksson, formaður (srh@heima.is)
  • Eva Einarsdóttir, fyrsti varaformaður (eva@destiny.is)
  • Borgþór S. Kjærnested, annar varaformaður (borgtor@mmedia.is)
  • Vésteinn Valgarðsson, ritari (vangaveltur@yahoo.com)
  • Eldar Ástþórsson, gjaldkeri (eldar@destiny.is)
  • Einar Teitur Björnsson, sölustjóri (einarteitur@hotmail.com)
  • Egill Bjarnason, sjálfboðaliðastjóri (egill@sunnlenska.is)

Í varastjórn

  • Anna Tómasdóttir, neyðarsöfnunarstjóri (annato@hi.is)
  • Hjámtýr Heiðdal, kynningarstjóri (seylan@seylan.is)
  • Quassay Odeh, framkvæmdarstjóri matur & menning (qussay_odeh@hotmail.com)
  • Yousef Tamimi, sniðgöngustjóri (YousefInTa@gmail.com

Vonandi fást svör.

P.S.

Fann hér slóð á umfjöllun um þetta frábæra sjónvarpsefni fyrir börn.


Flest dýrin í skóginum vinir eða þannig

Var að glugga í bloggfærslur Péturs Tyrfingssonar í morgun og rakst þar á verulega athyglisverða umfjöllun frá því fyrir kosningar.

Ég sé ekki betur ern þarna hafi Pétur hitt naglann á þumalputtan í greiningu sinni á því sem við blasir nú eftir kosningar, sennilega er maðurinn skygn.

Hann telur semsé að eina leiðin fyrir vinstri flokkana sé að fara saman í stjórnarsamstarf við Sjálfstæðisflokkinn.

Skynsamlegasta ráðstöfunin er að vinstriflokkarnir taki sig saman og komi fram sem ein fylking mót Sjálfstæðisflokknum og setji honum skilyrði: Ef þið viljið okkur í stjórn, þá verðið þið að ganga til samstarfs við okkur bæði!  Jafnframt þurfa foringjar félagshyggjuflokkanna að horfast í augu við staðreyndir stjórnmála og hugsjóna og láta þau boð út ganga að ekki verður látið reyna á heraga í þingliði. Undanvillingar mega njóta lýðræðisréttar síns og taka upp á því að vera í stjórnarandstöðu í einstökum málum. Spurningin er bara hvort þeir ætla að verja ríkisstjórnina vantrausti. Og þetta verður Sjálfstæðisflokkurinn að lynda við, takk fyrir! Take it or leave it eins og englar segja.

Þessi hugmynd er náttúrulega ekkert annað en snilld enda runninn upp úr huga gamals og skólaðs Marxista. Hugsið ykkur ástandið á stjórnarheimilinu þegar allir spraðubassarnir á vinstri vængnum fara að spila sóló með stjórnarandstöðu sem hefur 11 þingmenn.

Stjórn með 52 þingmenn að baki sér þyrfti nú varla að glíma við vantraust nema úr eigin röðum. Svona hugmyndir rifja upp gamla góða daga þegar mestur tími og kraftur ríkisstjórna fór í að sansa villingana innan hennar og sjá sér út nýja til að styrkja meirihlutann. Þar var þó yfirleitt um að ræða stjórnir sem höfðu tæpan meirihluta en ég held að stjórn með 41 manns meirihluta og þvingað hjónaband Samfylkingarinnar og VG yrði ekki starfhæf vegna innbyrðisáfloga.


Var Machiavelli í Vinstri Grænum?

Niccolo_Machiavelli_portraitNú eru kosningarnar að baki og þriðji dagur stóladansins liðinn. Mér er svolítið farið að líða eins og Feneyingi á tímum Machiavellis en sá piltur var uppfinningamaður raunveruleikastjórnmála og fléttukóngur allra tíma í stjórnmálum. Allir sem einhverju vilja ná fram í pólitík leita í sjóð hjá honum eftir hugmyndum og hvernig best sé að koma þeim í framkvæmd en hann setti helstu kenningar sínar í þesskonar pólitík fram í hinni góðu bók Prinsinn sem hann ritaði árið 1513.

Spilamennskan hjá VG er alveg mögnuð. Þeir eru búnir að skáka Samfylkingunni út í horn og sparka svoleiðis í viðkvæmastu staði á Framsókn að ekki er nokkur minnsti möguleiki á að þeir komi að því að mynda vinstristjórn með VG og Samfylkingu þrátt fyrir áhuga ýmissa þar á bæ fyrir slíku.

Jafnframt hafa þeir hamrað á því að stjórn Sjáfstæðisflokks og Samfylkingar yrði aumasta kosturinn sem yfir þjóðina gæti gengið auk þess sem Samfylkingin hafi tapað í kosningunum. Eðlilegast væri að teknar yrðu upp sögulegar sættir og sigurvegarar kosninganna tækju höndum saman enda væri, sé grant skoðað, ekki svo langt á milli þessara flokka í stefnumálunum. Þá veitti nú ekki af VG kæmi að málum til að halda í hemilin á frjálshyggjuliðinu í Sjálfstæðisflokknum.

Hér er einnig spilað stíft á andúð áhrifamanna í Sjálfstæðisflokknum á Ingibjörgu Sólrúnu og bent á að með því að halda henni og Samfylkingunni utan stjórnar mætti ná sér niðri á báðum og þarna á VG sameiginlegt áhugamál með þessum hópi innan Sjálfstæðisflokksins.

Mér rennur satt að segja kalt vatn milli skinns og hörunds við að hugsa um það að eiga eftir að sitja uppi með VG í landsstjórninni næstu 4 árin; jafnvel þó Geir Hilmar Haarde héldi í taumin á þeim. Vilja menn hugsa eitt augnablik um Steingrím Jóhann Sigfússon sem utanríkistáðherra? Eða Ögmund Jónasson sem iðnaðarráðherra með Hjörleif Guttormsson sem aðstoðarmann ráðherra?

Nei nú hætti ég enda kominn háttatími og ég vil að mig dreymi heldur betur en verr, hef ekki heilsu til að fá martröð.

Ég vil taka það fram að ég er langt frá því að vera aðdáandi Samfylkingarinnar eða formanns hennar og hef engan sérstakar sérstakar áhyggjur af pólitískri framtíð ISG en má ég þó heldur byðja um þann hóp en vinstr villingana í VG; í hvert einasta skipti sem valið kæmi upp!


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband