Burt með alla launaleynd, nema hjá mér!

Skelfing leiðist mér þegar skírir sómapiltar og óskatengdasynir allra mæðra gera í Armanibuxurnar sínar nánast í beinni.

Postuli Samfylkingarinnar í afnámi launaleyndar spratt endanlega alla leið útúr skápnum og skellti fast á eftir sér. Má ég vitna í nokkuð trausta heimild?

Vefþjóðviljin segir eftirfarandi í dag: (tengill á færsluna er hér)

Bjarni  Ármannsson var í fréttum í gærkvöldi spurður um greiðslur samkvæmt samningi hans við fyrrverandi vinnuveitendur hans í Íslandsbanka. Hann sagði að þær væru allar trúnaðarmál.

Það er auðvitað skiljanlegt.

Æ hvað hét hann aftur bankastjórinn sem hélt ræðu á landsfundi Samfylkingarinnar fyrir hálfum mánuði og krafðist þess að „launaleynd“ yrði bönnuð með lögum?

Eða eins og karlinn sagði: "Það er nú sitthvað, ég eða Jón skítur".